Apr 6, 2010

""ML KE TUM SE BICHADNA AISA LAGTA HAI""


""MIL KE TUM SE BICHDNA AISA LAGTA HAI""

jaise barish mein bheegh titli ke rang chootein
jaise mizraab e jaan ke kahin taar tootein
jaise nok e qalam par aakar lafz roothein

""MIL KE TUM SE BICHADNA AISA LAGTA HAI
haa mil ke tum se bichadna aisa lagta hai""""

jaise honton pe koi baat an kahi reh gayi
jaise hansti aankhon mein thodi nami reh gayi
jaise jeewan ho khali kahin kuch kami reh gayi

MIL KE TUM SE BICHADNA AISA LAGTA HAI
HA MIL KE TUM SE BICHADNA AISA LAGTA HAI

jaise dil ke aangan mein hole se sham utre
jaise behr e jaan mein koi fishar ubhre
jaise paishani e rooh pe fikr ka jaal ubhre

MIL KE TUM SE BICHDNA AISA LAGTA HAI
HA MIL KE TUM SE BICHDNA AISA LAGTA HAI

jaise kisi haseen lamhe ki khushboo sath chalti
jaise sulagte dil ke aangan mein phir saans jalti
jaise gham ki dehleez pe "shaz" har sham dhalti

MIL KE TUM SE BICHADNA AISA LAGTA HAI
HA MIL KE TUM SE BICHADNA AISA LAGTA HAI
§§§§§§§§§§§§§§§§§§§§§§§§§§§§§§§§§§§§§§§§§§§§§§
§HAZ

Jan 27, 2010

zehan k band
dareece mein
bht tarrek rahon mein
kisi aaseib ki soorat...
khwahishon k
sunehre aangan mein
khili dhoop ki zardi
badalti huyi shamon mein
jaise koi manoos si soorat...
shajer e dil se
lippti huyi
kisi jungle mein ugti
aakas beil ki soorat
mein hun jiski panahon mein
""ik be chehra si yaad""
"" ik be chehra si yaad""
§§§§§§§§§§§§§§§§§§§§§§§§§§§§§§§§§§§§
§HAZ
tumhari yaad ki barish
jub
dil k aangan mein barasti hay
to
neendein aankhon ki
dehleez pr
dam tod deiti hain.......
!!!!!!!!!!!!!!!!!!!!!!!!!!!!!
§haz
kuch sunehri
rim jhim boondon ne
tapti zameen
ko sar sabz kr dala
or
kal raat ki
barish ne
mere dil mein
ik jalte sehra ko
tumhari yadon se
jal thal kr k
shakh e dil pr murjhaye
kuch jazbon k gulon ko
phir se hara kr dala
ik tan e murda ko
phir se zinda kr dala
kal raat ki barish ne.............
!!!!!!!!!!!!!!!!!!!!!!!!!!!!!!!!!!!
SHAZ
hay ye ik rasm chalo rasm nibha li jaye
dil garifta hi sahi bazm saja li jaye

dil ki dehleez pe jalta hay udasi ka dia
uss ki yaadon se meri sham na khali jaye

doob jayoon na kahin dard k andheire mein
iss liye sham e wafa dil mein jala li jaye

mein to likhti hun fasana teri muhabat ka
or tu kehta hay baat dil mein daba li jaye

woh bichad jayega umer bhar ko mujh se shaz
aik yehi baat na iss dil se sanbhali jaye
§§§§§§§§§§§§§§§§§§§§§§§§§§§§§§§§§§§§§§§§§§§§§§§
CHAND APNE
SEENE MEIN
IK DAAGH
CHUPAYE HAY
OUR MEIN
APNE DIL MEIN
TERE HIJR KA ""DAAGH""
§§§§§§§§§§§§§§§§§§§§§§§§§§
§HAZ
AAYI JO TERI YAAD TO DIL KO DUKHA GAYI
TANHAYI BHI SHAM KI UDASI BHADHA GAYI

SAYA BHI SATH CHOD DE AISI GHADI BHI HAY
GARDISH ME LA K HAMKO YE DUNIYA SIKHA GAYI

AHL E WAFA SITAM HI TO SEHTE HEIN UMER BHAR
HAMKO GUREIZ E YAAR KI ADA SAMJHA GAYI

CHAK E JIGAR HUYA GULON KA NOK E KHAR SE
BAAD E SABA KHILA K GUL YE QISSA SUNA GAYI

MANZIL KI JUSTAJU MEIN TO RASTE BHI KHO DIYE
SEHRA KI KHAK NISHAN E SAFAR HI MITTA GAYI

KAISE LIKHOON MAIN KOI LAFZ DIL KI KITAB MEIN
JAZBON KI INTEHA MERE LAFZON KO KHA GAYI
§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§
§HAZ
sitare ko aasman se tootna kaisa lagta hay
shakhon se gulon ko tootna kaisa lagta hay

dil ki dehleez par tere khayal ki teiz hawa se
soorat e berg e gul bikharna kaisa lagta hay

amavas ki raat mein apni chath par tanha
khamosh chand ko dhoondhna kais lagta hay

shorash e dard se ghabhra k khud se ladte huye
slagte huye lamho ko bhulana kaisa lagta hay

khayal e yaar ki rida oudha k dil ko shaz bolo
sari dunia bhula usse sochna kaisa lagta hay
§§§§§§§§§§§§§§§§§§§§§§§§§§§§§§§§§§§§§§§§§§§§§§§§
§HAZ
""DIL OR GUL MEIN
AIK HI QADAR E MUSHTARIQ HAY
K
YEH DONO HI HALKI SI
THEIS SEH NAHI PATE
TOOT KER BIKHAR JATE HAIN""
§§§§§§§§§§§§§§§§§§§§§§§§§§§§§§§§
SHAZ
AJAB GHUTTAN HAY
K
SAANS LEINA MUHAL HUYA HAY
ZEHAN KI BANJAR ZAMEEN MEIN
KHAYALON K
BEEJ BONE SE
LAFZON KI KONPAL SAR UTHANE LAGI HAIN
OR ISKI SHAKHEIN
AKAS BEIL BAN KAR
DEEWAR E DIL SE LIPATNE LAGI HAIN
MAGAR
NA JANE Q PHIR BHI
MERI QALAM KI ZUBAN KHAMOSHI KA ZAIQA
CHAKH KAR
OR
JAZBON KI SIYAHI SOOKH JANE SE
KUCH BHI LIKHNE KA HUNER KHONE LAGI HAY
§§§§§§§§§§§§§§§§§§§§§§§§§§§§§§§§§§§§§§§§§§§§§§§
SHAZ
aaj phir
aalam e be yaqeeni mein
raat ki khidki par
chand ne
badliyon ki outt se
bahir nikal kar dastak nahi di
or jub
sooraj ki pehli kiran ne angadayi li
to bhi ihsas e seher na huya
aaj phir..........
sard rutt ki purwai
shajar e dil se
yaadon k patte girati rahi
dard ki konplein
zameen e dil se sar uthati rahein
udasi ki zard dhoop mein
mujhko sar ta paa jalati rahi
muhabat mujhe aazmati rahi
or teri yaad aati rahi
aaj phir.............aaj phir...........
§§§§§§§§§§§§§§§§§§§§§§§§§§§§§§§§§§§§§§§§§§§§§§
§HAZ
gham e hijr me jalta ja raha hay
dil se tU bhi utarta ja raha hay

tumhari yaad k hathon me aa k
phool sa dil masalta ja raha hay

dard k raste par tan o tanha
qafila e dil chalta ja raha hay

aanchal e dil k paloo se jana
ik khayal bandhta ja raha hay

ik dhundhla chehra tha jo shaz
seilab e ashq se mit ta ja raha hay
§§§§§§§§§§§§§§§§§§§§§§§§§§§§§§§§§§§§§§§§
SHAZ
""ab kuch nahi kehna""

bhale
ihsas ki hidat se
ik jazba e dil
pighal jaye
bhale
pas e dil
dard dhooyan ban
aankhon se beh jaye
bhale
tark e taluq ka daagh
peishani e wafa par
umer bhar ka
ik daagh ban jaye
bhale
ik dard e na rasa
ta umer ki rafaqat
k waste judayi ka
piyam ban jaye
bhale
muhabat ki zameen
be aab o khushk
banjar hi ban jaye
""AB KUCH NAHI KEHNA
AB KUCH NAHI KEHNA
§§§§§§§§§§§§§§§§§§§§§§§§§§§§§§§§§§§§§§§
§HAZ
IHSAS K DAAMAN PAR
LAMHAT E NA RASA K
KUCH DAAGH PAD CHUKKE HAIN
OR
JABEEN E DIL PAR
AN KAHI KHALISH KI
LAKEEREIN KUCH OR
GEHRI SI HONE LAGI HAIN
SHAYED ISSI LIYE
SHAKHON SE GIRTE PATTON KI ISS RUTT MEIN
MERI MUHABAT KA AKS
USKI ANKHON SE UTER CHUKA HAY
ZARD MOUSAM MEIN
AB TO ""SHAZ""
DARD HI DARD BHAR CHUKA HAY!!!!!!!!!
§§§§§§§§§§§§§§§§§§§§§§§§§§§§§§§§§§§§§§§§§
§HAZ
KHUSH NUMA RAFAQTON K
RANGEEN KHWAB
AANKHON MEIN
SATRANGI DHANAK KI
ROSHNI TO
PAL BHAR K LIYE ZAROOR
BHAR DEITE HAIN
MAGAR
ISKI TABEER
AJNABIYAT K
GHUP ANDHEIRON SE
MUNSALIK HOTI HAY
§§§§§§§§§§§§§§§§§§§§§§§§§§§§§§§§§§§§§§§§§§
§HAZ
IHSAS KI
REISHMI POURON PAR
UGNE WALE
SAR SABZ RISHTON K
SURKH GULAB
DARD KI ZARD RUTT KI
DEHLEEZ PAR
BE EITBARI KI GARM HAWA SE
TOOT KAR
PATI PATI HO KAR BIKHRE
PADE HAIN
§§§§§§§§§§§§§§§§§§§§§§§§§§§§§
§HAZ
DARD DIL MEIN SAMA KAR LAASANI HUYA
KHOON E DIL GIR K ANKHON SE PANI HUYA

ITNA DEIKHA USSE YAADON K AAYEINE MEIN
YAAD AB TO HAR IK NAQSH ZUBANI HUYA

FASANA E ZEEST LIKHNA CHAHA THA JISS NE
ADHOORA QISA KHUD WOH BHOOLI KAHANI HUYA

ISS QADAR TOOT K BARSA YAADON KA SAWAN
SEIRAB DASHT E DIL AEY ZINDGANI HUYA

IK LAFZ MUHABAT JO DIL PAR LIKHA THA "SHAZ"
UMER BHAR K LIYE NAQSH E LAAFANI HUYA
§§§§§§§§§§§§§§§§§§§§§§§§§§§§§§§§§§§§§§§§§§§
SHAZ

Jan 15, 2010

HAWA K HATHON PAR IK SALAM LIKHA HAY
PHIR NAAM TERE WAFA KA PIYAM LIKHA HAY

DHADKANE RAAT DIN TASBEEH E YAR KARTI HAIN
K MERI SAANSON PE TERA HI NAAM LIKHA HAY

KHAYAL E YAR ME KHUD SE HUN BEKHABAR YUN BHI
K AAJ SUBAH KO BHI MEIN NE SHAAM LIKHA HAY

WOH KHUSHBOO BAN K MERE SATH SATH REHTA HAY
K USSK NAAM HI YE MEIN NE KALAAM LIKHA HAY

WOH MERI ZEEST KA HASIL HAY "SHAZ"MERA DILBAR
K JISS K NAAM K SATH APNA NAAM LIKHA HAY
§§§§§§§§§§§§§§§§§§§§§§§§§§§§§§§§§§§§§§§§§§§§§§§§
§HAZ


BEHR E TAMANA MEIN UTHE KOI HALCHAL JAISE
BADAL K RATH PE SAWAR HAWA CHANCHAL JAISE

KABHI KABHI MUHABAT YUN MEHSOOS HOTI HAY
SAHFA E DIL PAR HO KOI ADHOORI GHAZAL JAISE

JUB TERE HATH AAYA HATHON MEIN TO JAANA YEHI
HO JAYE AASAN DAST E GHEIB SAY MUSHKIL JAISE

YE BHEID JAAN PAYE TUJH SE MILNE K BAAD K KAISE
AA JAYE KHUD CHAL K SAMNE RAHI K MANZIL JAISE

PYAR YUN DIL MEIN DAR AAYA CHUPKE SAY SHAZ
BIYAZ E DIL PAR LIKHA HO HARF E MUKAMAL JAISE
§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§
SHAZ

Jan 11, 2010

"DECEMBER KEH RAHA HAY""



SISAKTE LAMHON KI BARISH MEIN
AAH O BAKA SE LABREIZ
SAMAYTON KO SEESA BAN KAR
PIGHLATI HUYI CHEEKHEIN
INSANIYAT K LAASHE PAR
NOHA KINAN HAIN
OR
SEHMI HAWA KI KHUNKI MEIN
LIPPTTA HUYA DECEMBER
KOHRE KI DABEEZ TEH MEIN
KHUD KO CHUPATE HUYE
YEHI KEH RAHA HAY
LAHOO MAZLOOMON KA
BAN BAN K ASHK
MERI AANKHON SE BEH RAHA HAY
§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§
§HAZ